Pasi është mbyllur votimi në Maqedoninë e Veriut ka nisur numërimi i votive në terren.
Nga përpunimi i rezultateve në 566 qendra votimi, pra në 13 % të qendrave të votimit, u konstatua se: koalicioni “Mundemi” i udhëhequr nga LSDM-ja prin me 34 për qind, VMRO-DPMNE me 33 për qind, BDI me 12 për qind, dhe koalicioni ASH- Alternativa me 10 për qind.
Ndërkohë, zëdhënësi i BDI-së deklaroi se BDI-ja nga 50 për qind të të dhënave BDI-ja po udhëheq bindshëm në Tetovë dhe Çair. Ai madje theksoi edhe fitore të thellë në Komunën e Sarajit dhe Dibrës. Osmani shpalli fitore edhe në Komunën e Likovës dhe Kërçovës.
“Fitore në Teracë, Sopishte, Manastir dhe Strugë”, – tha Bujar Osmani.
Ditën e nesërme del përgjigja përfundimtare se kush do ta formojë qeverinë e re dhe cili do të jetë kryeministri i Maqedonisë së Veriut.
