Policia në aksion/ Arrestohen 5 persona që dërgonin njerëz në vendet e BE, merrnin 1000-2500 euro (EMRAT)

Ditën e sotme policia e Durrësit ka arrestuar 5 persona dhe ka shpallur në kërkim 8 të tjerë.

Ata akuzohen se kanë ndihmuar persona të caktuar që u ndalohej hyrja në vendet e BE, që të kalonin kufirin.

Sipas njoftimit zyrtar të uniformave blu, në kuadër të operacionit “Danubi”, kanë rënë në pranga shtetasit: Mirdan Xhani 58 vjeç ; Arben Ndreka, 49 vjeç; Iljaz Berisha, 58 vjeç; Igli Gripshi 64 vjeç banues në Durrës dhe Erton Baroka 39 vjeç, banues në Fushë Krujë, i dënuar më parë për prodhim dhe shitje narkotikësh.

Këta të pestë, në bashkëpunim me tetë të tjerët që janë shpallur në kërim, në këmbim të 1000 deri në 2500 euro, ndihmonin njerëzit të kalonin kufirin. Gjatë operacionit janë sekuestruar 3 automjete që përdoreshin për transportin e personave, 4 pasaporta biometrike dhe një sasi e konsiderueshme në euro dhe lekë.

NJOFTIMI ZYRTAR I POLICISE

Finalizohet operacioni policor i koduar “Danubi”, për goditjen e veprimtarisë kriminale në fushën e dhënies ndihmë për kalim të paligjshëm të kufijve, kundrejt fitimit. Operacioni nga Sektori për Hetimin e Narkotikëve dhe Trafiqeve në DVP Durrës, në bashkëpunim me Prokurorinë e Rrethit Gjyqësor Durrës, pas një hetimi disamujor. Vihen në pranga 5 shtetas dhe shpallen në kërkim 8 shtetas të tjerë. Në bashkëpunim me homologët vijon puna për lokalizimin, kapjen dhe ekstradimin e tyre. Sekuestrohen në cilësinë e provës materiale 3 automjete, 4 pasaporta dhe një sasi e konsiderueshme në lekë dhe euro. Në vijim të operacioneve të njëpasnjëshme të zhvilluara nga strukturat e DVP Durrës për goditjen e paligjshmërisë, pas një hetimi disamujor, specialistët e Sektorit Kundër Narkotikëve dhe Trafiqeve të Paligjshme, në bashkëpunim me Prokurorinë e Rrethit Gjyqësor Durrës, finalizuan operacionin policor të koduar “Danubi”, në kuadër të të cilit u vunë në pranga shtetasit:

1. Xh., 58 vjeç, I. B., 58 vjeç, I. G., 64 vjeç, A.N., 49 vjeç, banues në Durrës dhe E. B., 39 vjeç, banues në Fushë Krujë, i dënuar më parë për prodhim dhe shitje narkotikësh. Po në kuadër të operacionit u bë shpallja në kërkim e 8 shtetasve të tjerë që dyshohet se janë të përshirë në këtë veprimtari kriminale. Për arsye hetimi nuk bëjmë me dije të dhëna të tjera të tyre. Në bashkëpunim me homologët vijon puna për lokalizmin, kapjen dhe ekstradimin e tyre drejt vendit tonë. Nga hetimet e kryera ka rezultuar se shtetasit e arrestuar, në bashkëpunim me shtetasit e shpallur në kërkim, ushtronin veprimtari kriminale në fushën e dhënies ndihmë për kalim të paligjshëm të kufirit, kundjet fitimit.

Këta shtetas, kundrejt fitimit nga 1000 deri në 2500 euro, u jepnin ndihmë për kalimin e paligjshëm të kufirit, personave që u refuzohej hyrja në vendet e BE-së. Në cilësinë e provave materiale u sekuestruan 3 automjete që përdoreshin për transportin e personave, 4 pasaporta biometrike dhe një sasi e konsiderueshme në euro dhe lekë. Materialet i kaluan Prokurorisë së Rrethit Gjyqësor Durrës, për veprime të mëtejshme.