Po shkonte në Turqi/ Arrestohet në Rinas një grua, ja çfarë i gjeti policia në çantë

Në aeroportin e Rinasit sot është kapur një shumë e madhe eurosh, të cilat nuk ishin të deklaruara.

Mësohet se bëhet fjalë për 18.500 euro, dhe ishte në pronësi të shtetases Festime C, e cila po udhëtonte drejt Turqisë.

Kjo e fundit është ndaluar nga autoritetet në Rinas, për të bërë verifikimet sipas procedurave.

NJOFTIMI ZYRTAR I POLICISE

Në vijim të kontrolleve të shtuara nga ana e Policisë Kufitare, për parandalimin dhe goditjen e paligjshmërisë, shërbimet e Policisë, në dalje të RSH-së, në aeroportin e Rinasit, pas analizës së riskut, kanë ndaluar shtetasen F. Ç., 46 vjeçe, banuese në Tiranë, e cila kishte kaluar zonën e skanerit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjate kontrollit fizik, punonjësit e Policisë Kufitare të Rinasit i kanë gjetur në çantën e dorës 18500 euro, të padeklaruara në degën e doganës Rinas.

Në përfundim të veprimeve shtetasja F. Ç. u procedua penalisht në gjendje të lirë, për veprën penale “Mos deklarimi në kufi i të hollave dhe sendeve me vlerë”.

Materialet i kaluan Prokurorisë së Rrethit Gjyqësor Tiranë, për veprime te mëtejshme.