“Po qante, ishte mërzitur” Del dëshmia e rëndësishme për 16-vjeçaren shqiptare që u gjet e pajetë në Greqi

Vijojnë të dalin ende detaje të reja nga ngjarja tronditëse në Trikalla të Greqisë, ku 16-vjecarja shqiptare Maria Hyseni u gjet e pajetë në rrethana misterioze.

Kështu, një dëshmi e re ka mbërritur së fundmi në policinë greke, ku tregohen momentet e fundit të adoleshentes përpara se të ndodhte ngjarja e rëndë.

Sipas medias greke “Voice.gr” një vajzë e re ka shkuar te avokati i familjes së viktimës duke i thënë se ka parë vajzën në orën 03:45, në rrugën “Athanassiou Diakou”, gjysmë ore pasi polici 27-vjeçar pretendohet se e la atë (regjistruar nga kamerat lokale në orën 03.15) dhe disa metra larg shtëpisë së saj. Ajo shprehet se Maria ka qenë e mërzitur dhe duke qarë.

Ndërsa familjarët e viktimës apelojnë te kushdo që ka parë ndonjë gjë tjetër atë natë nga e marta në të mërkurë të kontaktojë avokatin e saj dhe të vijë për të dëshmuar.