Plagoset drejtori i Ujësjellësit në Shkodër, ja arsyeja e konfliktit

Është plagosur me armë zjarri drejtori i Ujësjellësit në Shkodër.

Ai ka pasur një konflikt për motive të dobëta me shtetasin M.P., para banesës së tij. Ai ka qëlluar shtetasin M.M. dhe djalin e tij K.M. me pistoletë. Ata kanë mbetur të plagosur dhe janë transportuar menjëherë drejt spitalit të Shkodrës.

Policia arriti menjëherë në vendngjarje dhe bërë të mundur kapjen e autorit, shtetasit 43-vjeçar.

Ndërkohë, policia dhe grupi hetimor janë duke hetuar shkaqet e konfliktit.

Njoftimi i policisë:

Shkodër

Plagosi me armë zjarri pas një konflikti të çastit, Drejtorin e Ujësjellësit  në  Bashkinë Shkodër dhe djalin e tij, kapet dhe prangoset në kohë rekord autori, falë reagimit të menjëhershëm dhe profesional të Policisë.

Rreth orës 16:00, në lagjen “Mark Lula”, në Shkodër, shtetasi M. P., para banesës së tij, pas një konflikti për motive të dobëta me shtetasin M. M, me detyrë Drejtor i Ujësjellësit në Bashkinë Shkodër dhe djalin e tij K. M.,  i  ka plagosur të dy me armë zjarri pistoletë.

Shtetasi M. M. dhe djali i tij K. M. janë transportuar menjëherë në Spitalin Rajonal Shkodër, ku ndodhen jashtë rrezikut për jetën.

Policia e Shkodrës  dhe strukturat e DVP Shkodër, me marrjen e njoftimit, shkuan menjëherë në vendngjarje, duke bërë rrethimin e zonës dhe falë veprimeve të shpejta dhe profesionale bënë kapjen dhe arrestimin në flagrancë të autorit, shtetasit M. P, 43 vjeç, të cilit në momentin e kapjes shërbimet e Policisë i gjetën dhe sekuestruan edhe armën me të cilën ky shtetas plagosi shtetasit M. M. dhe K. M.

Grupi hetimor ndodhet në vendngjarje dhe vijon punën për sqarimin e plotë të rrethanave të ngjarjes.