Një aksident i rëndë ka ndodhur në rrugën dytësore Tiranë-Durrës orët e para të mëngjesit të sotëm.
Mësohet si pasojë e përplasjes së dy automjeteve, kanë mbetur të plagosura 4 femra.
Policia bën me dije se mjeti i drejtuar nga shtetasi P.P është përplasur me mjetin tjetër të drejtuar nga shtetasi J.P. Si pasojë e përplasjes kanë mbetur të plagosura shtetaset D.M 21 vjeçe, E.B 33 vjeçe, L.M 21 vjeçe dhe L.D 43 vjeçe.
Uniformat blu dhe grupi hetimor ndodhen në vendngjarje dhe po punojnë për zbardhjen e plotë të rrethanave të aksidentit.
NJOFTIMI ZYRTAR I POLICISE
Më datë 23.07.2020, rreth orës 07:20, në rrugën dytësore Tiranë- Durrës, janë përfshirë në aksident mjeti me drejtues P.P., me mjetin me drejtues J.P., dhe për pasojë janë dëmtuar pasagjerët D.M.,21 vjeçe, E.B., 33 vjeçe, L.M.,21 vjeçe dhe L.D., 42 vjeçe, të cilat u dërguan në spital, dhe ndodhen jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.