Përfundon mbledhja e Këshillit Politik/ Gjiknuri: Opozita kërkon të sabotojë procesin

Ka përfunduar mbledhja e Këshillit Politik.

Përfaqësuesi i mazhorancës në Këshillin Politik, Damian Gjiknuri deklaroi se mbledhja përfundoi pa consensus me opozitën. Sipas tij, PD-ja kërkon të sabotojë procesin.

Gjiknuri u shpreh se mazhoranca do të vazhdojë me frymën e bashkëpunimit, por më parë do të hapen listat dhe do të miratohen ndryshimet kushtetuese.

“Nuk pati asgjë të re nga mbledhja. qëllimi i zgjatjes se do rrimë deri vonë për të gjetur zgjidhje nuk qëndron. oferta e tyre nuk është për kompromis. Pd do të votojë këtëproces që tashmë ka nisur. Nuk artikuluan dot që ndryshimet kushtetuese nuk pengojnë hapjen e listave. jemi të gatshëm të ulemi me PD për të diksutuar se si do të implementohet 5 qershori, si do të hapen listat dhe si do të jenë koalicionet sipas një vendi që është pjesë e osbe/odihr. Ne do të vazhdojmë me frymën e bashkëpunimit por më parë do të hapim listat dhe të miratojmë ndryshimet kushtetuese.

Pd ka propozuar në mbledhjet e këshillit modelin letonez, belg, hollandez. Dakord të marrim koalicionet si letonia, si hollanda. Cfarë thonë ato hajde t’i përkthejmë në shqip. Të mos zgjedhësh asnjë model dhe të heqësh dorë nga ato që propozon do të thotë se e gjitha është e ndërtuar në rërë.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sa i përket propozimit të opozitës ai tha se nuk mund të bëhet.

“Nuk mund të bëhen amendime në fund. Propozimi është në Kuvend. Nëse merr votat kalon, nëse jo nuk kalon. Do ta shikojmë nesër.”