Për herë të parë në Shqipëri/ Ministrja Gjonaj firmos urdhërin: ‘Bossët’ e Krimit të izolohen në regjimin ’41 bis’

Për herë të parë në Shqipëri, do të nisë nga sot zbatimi i ligjit për regjimin special ’41 bis’ në burgje.

Mësohet se ministrja e Drejtësisë Etilda Gjonaj ka firmosur izolimin e 8 bossëve të krimit, të cilët do të vuajnë dënimin në ’41 bis’, një ligj që parashikon mundësinë për të pezulluar trajtimin normal të të burgosurit dhe zëvendësimin me një trajtim më të ashpër e të rëndë, në raste të jashtëzakonshme dhe në raste rebelimi.

Nëpërmjet një amendamenti të vitit 1992 shtrirja e këtij trajtimi të ashpër përfshin edhe të paraburgosurit në pritje të gjykimit, në raste terrorizmi e kërcenimi për sigurinë publike. Përfshihet edhe censurimi dhe kontrolli i postës për të evituar komunikimin dhe marrëdhëniet me organizatën kriminale jashtë burgut.

Ky ligj në Shqipëri kishte prej dy vitesh që kishte hyrë në fuqi, ndërsa SPAK prej marsit dërgoi tetë kërkesa në zyrën e Etilda Gjonajt.

Sot në 13:30 për zbatimin e 41 Bis, i cili aplikohet për herë të parë në Shqipëri, Ministrja e Drejtësisë, Etilda Gjonaj, Ministri i Brendshëm, Sandër Lleshaj dhe kreu i SPAK, Arben Kraja, pritet të dalin në një konferencë të përbashkët për media në Ministrinë e Drejtësisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern