Pandemia në Shqipëri ka krijuar një situatë shqetësuese, sidomos për sektorin e shëndetësisë.
Rastet e reja vijojnë të rriten dita-ditës, dhe kjo do të thotë më shumë pacientë të shtruar.
Gjendja është alarmante dhe në dy spitalet COVID, ai Infektiv dhe “Shefqet Ndroqi”.
Ndërkohë për këtë fenomen ka folur dhe kreu i Urgjencës Kombëtare Skënder Brataj.
Ai ka treguar çfarë ka ndodhur në 24 orët e fundit, duke zbuluar se 16 prej rasteve që kanë telefonuar, janë transferuar në spital.
“Gjatë 24 orëve bëhen 40-45-50 vizita për Covid. Në 24 orët e fundit në dy spitalet ishin 16 raste të transferuara nga Urgjenca Kombëtare, 9 te Sanatoriumi dhe 7 te QSUT”, deklaroi Brataj.