Alfred Rrushaj do të jetë drejtuesi i fushatës së Partisë Demokratike në zgjedhjet e ardhshme parlamentare.
Prezantimi është bërë në mënyrë të befte nga PD, teksa ka shpërndarë dy deklarata të tij për gjendjen ekonomike bashkë me titullin e ri dhe rolin që Basha i ka besuar.
Alfred Rushaj para detyrës së re që ia ka besuar Lulzim Basha në PD ka mbajtur poste të rëndësishme në qeverinë Berisha 1 dhe 2. Ai ka shërbyer si Zëvendës Ministër i Financave nga viti 2009 deri në vitin 2013 dhe si këshilltar juridik i Ministrit të Ekonomisë, Tregtisë dhe Energjisë nga viti 2005 deri në vitin 2009.
Rrushaj gjerësisht në “selinë blu” dhe në opinionin publik njihet si njeri i besuar i dy ish-ministrave shumë të rëndësishëm të Sali Berishës, Ritvan Bodes dhe Genc Rulit. Ky i fundit është riafruar me PD në një post të rëndësishëm që ende nuk është bërë zyrtar, ndërsa Bode është në Bankën e Shqipërisë.
Nga shumë syresh në PD, Rrushaj shikohet edhe si njeriu që do të marrë drejtimin e ministrisë së Financave sapo PD të fitojë zgjedhjet e ardhshme.