Ministria e Shëndetësisë njofton se ka humbur jetën një person i shtruar në spitalin Infektiv, i prekur nga koronavirusi.
Pacienti 86-vjeçar nga Shkodra ishte duke u trajtuar prej 12 ditësh në terapi intensive dhe nuk ka mundur të fitojë betejën me virusin.
Ministria e Shëndetësisë i shpreh ngushëllime familjes së të ndjerit dhe i kujton edhe një herë qytetarëve të tregojnë kujdes me respektimin e rregullave, distancimin fizik, përdorimin e maskës, higjienën vetjake, pēr të kufizuar përhapjen e COVID-19.
