Pandemia po bën namin me raste të reja, por ky shtet thotë se e ka situatën nën kontroll

Spanja është një nga shtetet që vijon të ketë rritje të rasteve të reja nga pandemia, sidomos në rajonin e Katalonjës.

Por pavarësisht situatës, autoritetet vendase insistojnë se personat e prekur janë të izoluar dhe gjithçka është në kontroll.

Numri i rasteve të reja është rritur për shkak të lehtësimit të masave kufizuese, përfshirë dhe detyrimin për të mbajtur maskën.

“Spanja është e sigurt për spanjollët dhe turistët”, është thënë nga Ministria e Jashtme e Spanjës, raporton BBC.

Infeksioni në mesin e të rinjve, që janë mbledhur në numër të madh, janë veçanërisht shqetësuese. Franca e Belgjika po ashtu kanë rekomanduar qytetarët që të mos kalojnë pushimet në Barcelonë apo plazhet në qytetet fqinje.