Pandemia/ Infektohet infermieri në spitalin e Elbasanit

Spitali i Elbasanit nuk po mundet të gjejë qetësi. Një infermier ka rezultuar i prekur nga virusi. Ky është rasti i pestë i bluzave të bardha, që kanë rezultuar të infektuara, në spital.

Gazetari i Abc news informon se infermieri është infektuar pasi kishte kryer terapinë e një 73-vjeçare të prekur me këtë virus. Infermieri 40-vjeçar mësohet se i përket repartit të kirurgjisë.

Gjatë 24 orëve të fundit në Elbasan janë regjistruar 3 raste të reja me virus, ndërsa në total janë 48.