Pandemia/ Infektohet deputetja shqiptare, dyshohet se e mori në parlament

Pandemia vijon të prekë edhe figurat politike në Kosovë.

Së fundmi mësohet se ka rezultuar pozitive dhe deputetja e AAK Albena Reshitaj.

Lajmin e ka dhënë ajo vetë, duke u shprehur se pas kryerjes së testit po qëndron në shtëpi.

Dyshohet se Reshitaj, e cila mban postin gjithashtu të kryetares së Komisionit për Shëndetësi, e ka marrë virusin në parlamentin e Kosovës, pasi sipas saj simptomat e para iu shfaqën pas seancës të së premtes.

POSTIMI I PLOTE I DEPUTETES

Të nderuar qytetarë, miq e kolegë,

Që nga fillimi i Pandemisë jam përpjekur të zbatoj masat e rekomanduara nga institucionet shëndetësore dhe vazhdimisht kam bërë ftesë për zbatimin e tyre.

Pas seancës së ditës së Premte, konkretisht prej të Shtunës së këtij vikendi kanë filluar të më shfaqen disa simptoma që lidhen me infeksionin me Covid-19 dhe pastaj iu kam nënshtruar testit ku kam rezultuar pozitiv.

Deri në testimin tjetër pas një kohe të përcaktuar sipas protokollit unë do të qëndroj e izoluar në shtēpi.

Dua edhe një herë ti bëjë ftesë të gjitha institucioneve të vendit që të rrisin përkushtimin në respektimin e masave mbrojtëse, të ndalohen të gjitha ngjarjet dhe aktivitetet aty ku nuk ka kushte dhe ku nuk respektohen masat e rekomanduara nga IKSHPK.

Të rritet përkushtimi dhe disiplina sa nuk është bërë tepër vonë.