Pandemia/ Ekspertët britanikë bëjnë paralajmërimin e fortë: Ja kur pritet vala e dytë

Ekspertët britanikë të shëndetësisë kanë bërë së fundmi një paralajmërim të fortë.

Sipas tyre vala e dytë e pandemisë pritet të mbërrijë kur temperaturat të biën në 4 gradë celcius në dimër.

Ata shtojnë se një rritje e numrit të infektimeve atëherë mund të çojë në një mbyllje të dytë të vendit, e kjo në kohën kur ekonomia e goditur rëndë prej pandemisë sapo ka nisur të marrë veten.

Një anëtar i grupit Këshillimor Shkencor për Emergjencat në Britania tha se besohet gjerësisht që virusit i “pëlqen” temperatura 4 gradë Celsius, e kjo mund të shpjegojë përhapjen e shpejtë të tij në shkurt e mars.

“Për momentin mund ta kalojmë më lehtë se është verë. Por është e rëndësishme që njerëzit të përgatiten për sfidat që do të sjellë dimri”, u shpreh ai. Gjatë krizës se koronavirusit, afro nëntë milionë punëtorë, ose më shumë se një e katërta e fuqisë totale punëtore, i humben përkohësisht vendet e punës në Britani. Kjo i ka kushtuar shtetit mbi 24 miliardë paund.

Vetë kryeministri Boris Johnson ka qenë i infektuar dhe për shërimin e tij është dashur të qëndrojë në kujdes intensiv.