Pandemia/ Dasma kthehet në tragjedi, humb jetën dhëndri dhe infektohen të ftuarit

Një dasëm është kthyer në tragjedi, në një fshat të Indisë.

Ata kanë injoruar masat anti-covid dhe gjithçka përfundoi me mort. Dhëndri humbi jetën dy ditë pas dasmës, ndërkohë u infektuan mbi 100 dasmorë.

Në dasëm morën pjesë 369 persona, bënë me dije zyrtarët indianë. Vetëm një ditë më pas 79 persona rezultuan të infektuar me Covid-19. Ndërsa 24 të tjerë u zbuluan përmes gjurmimit të kontakteve.

Dhëndri, i cili punonte si inxhinier, ishte kthyer në fshatin e tij për t’u martuar. Por vetëm dy ditë pas dasmës humbi jetën.