LIGJET E BIZNESIT
Shefja e Epidemiologjisë në Institutin e Shëndetit Publik, Silvia Bino është shprehur se ka një rritje graduale të numrit të rasteve të reja, të shtrimeve në spital dhe te viktimave nga pandemia.
Bino shtoi se duhet të forcohen masat përsa i përket distancimit social, e ftuar në ABC News.
“Ka vetëm një lloj maturie që ne të kufizojmë sa të mundemi. Nuk jemi në një situatë të favorshme për momentin. Kemi një rritje graduale të numrit të rasteve, kemi rritje të numrit të vdekjeve, kemi rritje të shtrimeve në spitale. Të gjitha këto kërkojnë një forcim më të madh të distancimit fizik dhe social”, tha Bino.
Për numrin e ulët të testimeve Bino tha se ka ndodhur për faktin se është e dielë dhe se mund të ketë pasur një numër të ulët njoftimesh nga qytetarët. Ndërkaq, shefjae Epidemiologjisë tha se ka një numër të lartë mostrash që kanë ardhur pranë laboratorit.
“Është një numër i vogël. Kemi parasysh që ka qenë ditë e diel dhe ndoshta është marrë një numër ndoshta më i vogël testesh apo dhe lajmërime nga qytetarët. Por dua të them që ka një numër të lartë mostrash që kanë ardhur pranë laboratorit. Ne zakonisht masim testimet javore. Numri i vogël i testimeve nuk ka pasur lidhje me sigurimin e tamponëve apo elementë të tjerë”, tha Bino.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
