Sot është një ditë e madhe për të gjithë besimtarët myslimanë pasi festojnë Kurban Bajramin.
Për ta dita ka nisur shumë herët, me faljen e namazit, i cili për shkak të pandemisë është bërë në xhami e jo në shesh.
Ndërkohë janë marrë dhe masat përkatëse në këto ambiente, si respektimi i distancës dhe mbajtja e maskës.
Ceremonia qëndrore e Kurban Bajramit, ku i pranishëm ishte dhe kryetari i Komunitetit Mysliman, H. Bujar Spahiu, u zhvillua në xhaminë e “Kokonozit” (Pazari i ri) Tiranë, ndërkohë që falja e Namazit ishte në 06:30, ndërsa Hytbeja e Kurbanit në 06:35.
Gjate festimeve besimtaret jane te lutur te respektojne disa rregulla te thjeshta:
- Marrja e abdesit të kryhet në shtëpi.
- Të mbahet maska nga çdo besimtar.
• Çdo besimtar duhet të ketë me vete sexhade personale.
• Mbajtja e distancës fizike gjatë faljes.
• Ndalohet përdorimi i abdesthaneve dhe tualeteve.
• Personat me simptoma të sëmundjes nuk lejohen të hyjnë në xhami.
• Hyrja dhe dalja në xhami të mos jetë në grup.
• Të shfrytëzohen materialet dezinfektuese në hyrje të cdo xhamie.