Pas refuzimit të opozitës jashtëparlamentare që të marrë pjesë në mbledhjen e Këshillit Politik pasditen e sotme në orën 17:00, ka ardhur dhe reagimi i kryeministrit Edi Rama.
Me ironi, ai bën me dije se Partia Socialiste nuk do të pranojë kërkesën e opozitës.
Kreu i qeverisë thekson se nuk mund të kushtëzojë Këshillin Politik si Kuvendin dikur, se nuk funksionon.
“Miqtë opojashtëparlamentarë duhet të mos shohin gishtin kur gishti tregon hënën! Në 30 korrik do të kemi risi kushtetuese mbi të cilat duhet të ulemi pa humbur asnjë ditë.Prandaj të pranojnë realitetin e të mos e kushtëzojnë Këshillin Politik si Kuvendin dikur,se nuk funksionon!”-shkruan Rama.