Opozita braktis Kuvendin/ Paralajmëron deputeti: Harrojeni, nuk do të keni 84 vota për këtë pazar të pistë

Deputetët e opozitës së re kanë vendosur të braktisin sallën e Kuvendit pak minuta më parë.

Fillimisht ishte deputeti demokrat Myslym Murrizi që ka paralajmëruar se opozita parlamentare nuk do ta votojë marrëveshjen për Reformën Zgjedhore.

Ai e ka cilësuar atë si një Pazar të pistë.

“Harrojeni se do ti bëni 84 vota. Qytetarët iu kanë dhënë 74 mandate.

Me trasta në dorë, presione mas gardhi, me joshje, siç kanë ndodhur shpesh në këtë sallë, i nderuar zoti Balla nuk do ti bëni votat për të votuar një pazar të pistë që nuk është asgjë më shumë as më pak sesa lënia në fuqi e kësaj pacavure të vitit 2008”-tha Murrizi në foltoren e Kuvendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më tej ai i bëri thirrje opozitës të braktisë sallën e Kuvendit.

“Ndaj Zoti Balla të ftoj të ngresh oferten e merri këta deputetë, siç ftoj edhe kolegët e mijë opozitarë të dalin nga kjo seancë dhe Balla të vijojë markatën”-u shpreh Murrizi.

Menjëherë pas këtyre fjalëve, deputetët kanë lënë Kuvendin.