Duket se institucioni i Kadastrës së Vlorës nuk po gjen qetësi.
Mësohet se drejtori Jurgen Pilkapi ka dhënë dorëheqjen, jo më shumë se 1 muaj e gjysmë pas emërimit.
Ashtu si të gjithë paraardhësit e tij që nga muaji shtator e deri më tani, arsyeja është ‘personale’.
Pilkapi është drejtori i 7-të në 10 muaj që jep dorëheqjen nga Kadastra e Vlorës.
Duket se gjetja e një kryetari për këtë institucion është kthyer në një problem, për shkak të vështirësisë së regjistrimit të pronave në bregdet, që është kthyer dhe në ‘thembër të Akilit’.
Kujtojmë se disa prej drejtuesve të dorëhequr të AKSH Vlorë janë shoqëruar edhe me punonjës të Gardës pikërisht për shkak të kërcënimeve që kanë marrë.
