Nuk janë urbanët/ Habit mjeku Gjata: Ja vendi ku përhapet më tepër virusi

Mjeku Arben Gjata ka folur për rritjen e shifrave të të infektuarve në vend. Ai tha se ato u rritën sepse qytetarëtmenduan se virusi iku pas përfundimit të karantinës.

I pyetur në A2 se sa rrezik paraqet hapja e transportit urban në shtimin e rasteve, mjeku Gjata u shpreh se klubet e natës janë ambientet ku ka më shumë rrezik përhapje të Covid-19.

“Në Tiranë ka djem e vajza të reja që qëndrojnë nëpër klube nate pa maska, që kërcejnë e këndojnë. Kjo histori është edhe në jug, me festa nëpër klube. Transporti urban e përhap shumë më pak virusin sesa këta të rinj e të reja që nuk mendojnë as për veten e vet, as për prindërit dhe as për shoqërinë”, tha ai.

Ndër të tjera, Gjata thotë se duhet të ndërgjegjësohet popullata sepse nuk mund të qendrojmë mbyllur me vite.

“Nuk mund të rrimë të mbyllur për vite derisa të largohet virusi. Duhet të mësohemi me normalitetin e ri dhe të respektojmë masat. Duke qenë se nuk e kaluam periudhën e tmerrshme të Italisë, ndërgjegjësimi i popullatës është shumë më i ulët. Nëse nuk mbajmë maskat, në vjeshtë dhe dimër mund të ndodhemi para situatave të papëlqyeshme”, tha Gjata.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern