Në kohën që në ambientet e Pallatit të Kongreseve po zhvillohet mbledhja e Këshillit Politik e cila ka nisur në orën 11.00 të paradites, duket se jo të gjithë deputetët e opozitës së re kanë qenë të pranishëm aty.
Njëri prej tyre, Kujtim Gjuzi ka zhvilluar një takim me kryetarin e Kuvendit Gramoz Ruçi, duke i parashtruar këtij të fundit disa kërkesa nga ana e tij mbi Reformën Zgjedhore.
Gjuzi kërkoi bisedime më makro ku krahas aktorëve politikë të të gjitha ngjyrave të përfshihen edhe akademikë në debatin politik mbi sistemin zgjedhor.
“Ne i bëjme me dije kryetarit të Kuvendit që të organizojë një takim makro me të gjithë aktorët partiak dhe akademikët. Shqipëria në 30 vite ka heq të zitë e ullirit nga vjedhësit e votës. Ne na duhet një bashkëbisedim me qytetarët për zgjedhjet, ku 90 % e qytetarëve kërkojnë lista të hapura dhe ne nuk mund ti ndalojmë sepse do të bëhet kryeministër një i dënuar. Ne nuk mund të jemi delja e zezë e Evropës. Duhet të bëjmë zgjedhje të lira dhe të barabarta, të gjitha këto ja bëra të dije kryetarit të kuvendit.”- tha Gjuzi.