LIGJET E BIZNESIT
Lidhur me bojkotin që PD dhe LSI i bënë mbledhjes së Këshillit Politik për të diskutuar mbi çdo paqartësi lidhur me reformën zgjedhore, kryeministri Edi Rama u shpreh i vendosur të mos tërhiqet dhe tha se votimi i tyre në parlament në 30 korrik, sipas disa prej ekspertëve më të mirë zgjedhorë, nuk e prek marrëveshjen e 5 qershorit që do të votohet nesër në parlament.
Në fjalën e tij përmbyllëse para gazetarëve Rama shpreh shqetësimin për paqartësinë e veprimeve politike që PD ka zgjedhur të ndërmarrë.
“Kam frikë se PD po përsërit të njëjtin gabim, të mosqënies asnjëherë në vendin e duhur dhe kohën e duhur,” u shpreh Rama.
Pjesë nga fjala e kryeministrit Rama në përfundim të mbledhjes së Këshillit Politik:
Damiani mbase sqaron më mirë në aspektin e pretendimit që ka shprehur sot PD, ne erdhëm sot për të shprehur jo vetëm vullnetin por edhe gatishmërinë për të diskutuar mbi çdo gjë që është e paqartë, që ka krijuar keqkuptim. Dhe në këndvështimin tim të pakëtn, është në interesin e PD që të zhvillojë këtë proces, sepse faktikisht Këshilli Politik e ka kryer procesin e vetë, dhe nga ana tjetër pas 30 korrikut, jeta politike vazhdon, kështu që do të na duhet të reflektojmë, çka kushtetuta listave të hapura do t’i imponojë dhe duket absurd bojkotimi i diskutimit i lidhur me këtë. Kjo tryezë është ndërtuar si shprehje e vullnetit të mirë, pavarësisht faktit se PD dhe aleatët e saj u arratisën në drejtim të paditur, ata janë pjesë e realitetit politik, dhe mohimi i këtij realiteti politik nga ana jonë do të ishte e padrejtë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Jam i keqardhur sepse është një kohë shumë e shkurtër, dhe ne nuk jemi në kushtet e ndonjë shtrëngese për ecjen përpara të procesit, tani kemi konsensus me forcat parlamentare, dhe kushtetueshmërisht me ligj dhe me zakon nuk kemi asnjë hall të posaçëm. Për sa i përket pretendimit që të mblidhemi për çka është propozuar nga pala që refuzoi të vijë në këtë takim, besoj se Damiani mund të japë një shpjegim nga ana teknike.
Ajo që kemi diskutuar me ekspertët, ka qenë pikërisht adresimi nga eskpertët i atyre çështjeve, ndër të cilat një ishte dhe kjo, që asgjë nuk preket në përmbajtjen e marrëveshjes së 5 qershorit, reflektimi i ndryshimeve kushtetuese është diçka tjetër. Është e gjitha një absurditet nga pikëpamja logjike sepse “5 qershori” do të votohet nesër dhe do të hyjë në fuqi. Ndryshimet do të votohen në 30 korrik dhe do të hyjnë në fuqi. Dhe bëhet fjalë për ekspertë shumë të njohur që nuk vijnë nga rruga e PS por janë personalitete që kanë pasur një zë të fuqishëm dhe prej shumë kohësh i shërbejnë popullit me eksperiencën e tyre. Kam frikë se PD po përsërit të njëjtin gabim, të mosqënies asnjëherë në vendin e duhur dhe kohën e duhur.
