Janë arrestuar 5 shqiptarë nga policia greke në Mykono, të cilët trafikonin lëndët narkotike.
Mediat greke bëjnë me dije se shqiptarët e kishin kthyer në pronë private bregdetin Ftelia në Mykono dhe fshihnin nën tokë kova me kokainë dhe hashash.
Bëhet me dije se ka qenë Prokuroria e Drogës së Autoritetit Portual të Mykonos në bashkëpunim me policinë që kanë kryer operacionin në Ftelia.
Zbulimi i drogës u bë i mundur falë një qeni, i cili nuhati aromën e lëndës narkotike.
Policia greke ka sekuestuar si provë materiale 7.598 kg kanabis, 20,2 kg kokainë, një pistoletë zastava 7.62 mm me dy plumba, tre peshore precize, tre telefona celularë, 3,935 euro dhe 40 dollarë, ndërsa emrat e shqiptarëve ende nuk bëhen të ditur.
