“Në jug shërbimi ofrohet greqisht”/ Zv.ministrja Çuçi: Mos e merrni nëse nuk ju ofrohet shqip

Zv.ministrja e Mjedisit dhe Turizmit, Ornela Çuçi ka folur për përdorimin e gjuhës greke, gjatë ofrimit të shërbimit, në jug të vendit.

E ftuar në Ora Verore, Çuçi u bën thirrje qytetarëve të mos e marrin shërbimin nëse nuk ofrohet në shqip.

Ndër të tjera, zv.ministrja tregoi se kjo është një nga politikat që përdor shitësi ose personi që mer shërbimin dhe jo politikë qeveritare.

”Unë nuk e kam hasur ndonjëherë, por do ta jap një eksperiencë timen personale. Në Strasburg, nëse ti futesh në një dyan edhe pse është një nga qendra e Europës, ka qendra tregtare ku nuk shërbehesh po nuk dite frëngjisht. Nuk është politikë qeveritare, por politikë e dyqanxhit, e shitësit të dyqanit dhe e tregtisë. Është politikë e personit që e ofron këtë shërbim, ose nuk di shqip. Nëse ky shërbim nuk të ofrohet në shqip, mos e merr shërbimin në greqisht”, u shpreh Çuçi.