“Ne i presim turistët me trëndafila” Revoltohet mjeku i urgjencës: Ndërsa Europa na mbyll dyert

Në lidhje me situatën që ka krijuar pandemia në Shqipëri prej 4 muajsh tashmë, ka folur edhe mjeku i urgjencës në QSUT, Petrit Vargu.

Ai shprehet i revoltuar se ndërkohë që ne presim me trëndafila në duar turistët që vinë nga Polonia, një prej shteteve me numrin më të lartë të të infektuarve, Europa na mbyll dyert nga ana tjetër.

Ai thekson se shumë pacientë me ndryshime saturimesh të oksigjenit, mjekohen në menyre popullore nëpër shtëpi, ndërsa ngre pyetjen pse nuk hapet Sanatoriumi.

“Kaos total, në trajtimin e pandemisë! Europa na mbyll dyert. Ne presim me trëndafila turistët polake që vijnë nga një prej shteteve më të infektuara në Europë. Shumë pacientë me ndryshime saturimesh të oksigjenit, mjekohen në menyre popullore nëpër shtëpi. Pse nuk hapet Sanatoriumi? Apo kanë frikë se do mbushet brenda nje dite? Mënyra sesi reagon 127 nuk dua të preket nga unë. Flet vete populli. Ministrja deklaron që ka marre 90000 teste, por nga ana tjeter jemi i vetmi vend në botë me nje aparat PCR-je. Është njëlloj sikur te kesh puse të tëra me naftë dhe për qarkullimin e qytetareve të ketë vetem një motor “Vespa”.Tani nuk mund të flasim më për menaxhim të situatës. Nga ana ime une shtroj pyetjen:Kjo gjë behet me qëllim apo nga injoranca?’, shkruan Vargu.