Ka rënë flakë në zonën e Zejmanit në Lezhë, që prej ditës së djeshme.
Mësohet se janë djegur 3 hektarë pyje deri më tani. Ndërhyrja e zjarrfikëses është bërë e pamundur, për shkak të terrenit të vështirë. Punonjësit e Agjencisë së Pyjeve të bashkisë Lezhë janë të vetmit që janë angazhuar për shuarjen e flakëve.
Ndërkohë, era e fortë ka favorizuar përhapjen e flakëve dhe e ka bërë mjaft të vështirë shuarjen.
Ndërsa është kërkuar mbështetje ajri si mundësi e vetme për të shuar flakët.
