Kryeministri Edi Rama foli në lidhje me ndryshimet kushtetuese që u votuan ditën e djeshme në Parlament. Ai shprehet se ambasadorët e BE dhe SHBA nuk i kundërshtuan ndryshimet, por shprehën keqardhje për mosarritjen e konsensusit.
“Edhe unë e kuptoj dhimbjen e opozitës jashtëparlamentare, por deri këtu,” tha Rama në një intervistë në emisionin “Pa Protokoll”.
I pyetur lidhur me performancën e opozitës në parlament, Rama tha: Nuk më duket më e fortë në Parlament ajo që ishte me këtë që është. E njëjta gjë janë.
“Keqardhja është emocion. Ku është kundërshtia këtu. Nuk ka asnjë kundër. I njoh dhe i respektoj maksimalisht sepse përfaqësojnë shtete mike, përfaqësojnë edhe personalisht njerëz që e kanë treguar më shumë se një herë që në Shqipëri nuk janë për të jetuar dhe paguar mirë. Edhe unë e kuptoj dhimbjen e opozitës jashtëparlamentare, por deri këtu,” u shpreh Rama.