Ndërroi jetë në spitalin Infektiv/ Ministria e Shëndetësisë sqaron të vërtetën për 27 vjeçarin nga Kavaja

Pas lajmit të ndarjes nga jeta të një të riu në spitalin Infektiv paraditen e sotme, ka ardhur dhe reagimi i Ministrisë së Shëndetësisë.

Nëpërmjet njoftimit zyrtar ky institucion konfirmon se i ndjeri ishte pozitiv me virusin por asimptomatik.

Në këtë rast ai nuk kualifikohet si humbje jete nga COVID19.

MSH sqaron se i riu ka ndërruar jetë si pasojë e aksidentit vaskular cerebral.

“Ministria e Shëndetësisë sqaron se, referuar shërbimit infektiv, një i ri 27 vjeçar nga Kavaja, ka ndërruar jetë si pasojë e aksidentit vaskular cerebral. 27 vjeçari vuante nga një sëmundje e lindur e gjakut dhe ishte asimptomatik për COVID-19. Ministria e Shëndetësisë i shpreh ngushëllime familjes”, bën me dije ministria.