Pandemia ka krijuar një situatë shqetësuese dhe në Kosovë.
Shifrat e të shtruarve nëpër spitale janë rritur dhe gjendja paraqitet e rëndë.
Pak ditë më parë u dha lajmi se ishte infektuar kreu i LDK Isa Mustafa. Por sot u njoftua se ishte infektuar dhe Jakup Krasniqi.
Por mesa duket ata nuk janë të vetmit që i ka kapur virusi i rrezikshëm.
Ndërkohë pak momente më parë është bërë publik lajmi se dhe Kadri Veseli ishte infektuar me COVID19.
Vetë Veseli nuk e ka konfirmuar akoma se është infektuar, ndërsa punonjësit e zyrës së tij ditën e sotme janë parë të heshtur.
Zëdhënësi i PDK-së Avni Bytyci i kontaktuar nga mediat nuk ka pranuar të japë shpjegime.