LIGJET E BIZNESIT
Pas deklaratës së presidentit Ilir Meta se me miratimin e ndryshimeve Kushtetuese Edi Rama e solli veten drejt përplasjes me popullin, ka ardhur dhe reagimi i kryeministrit.
Rama shprehet se Meta është një shkelës i Kushtetutës, por parlamenti nuk e shkarkoi në respekt të raportit të Komisionit të Venecias.
Kreu i qeverisë i drejtohet presidentit duke i thënë që të mos bëhet qesharak, duke përdorur zyrën e Presidencës për llogore lufte politike.
MESAZHI I PLOTE I KRYEMINISTRIT EDI RAMA
Ilir, ti je nje shkelës recidiv i Kushtetutës sipas Venecias, por po sipas Venezias e ke shkelur, po jo aq rëndë Kushtetutën sa për t’u shkarkuar! Dhe ne që shkeljet e tua i mbajtëm në kurriz, respektuam Venecian e s’të shkarkuam, sepse jemi të përgjegjshëm në përfaqësimin e vendit!
Por siç nuk i ndalove dot zgjedhjet vendore dhe siç nuk e fute dot në zjarr Shqipërinë dje, nuk ke asnjë shans ta ndalosh Kushtetutën e Shqipërisë të jetë detyruese edhe për ty, ashtu sikundër s’ke asnjë shans të ndezësh zjarrin e ëndërruar të konfliktit të popullit me shtetin!
Prandaj boll u bëre dhe na bëre të gjithëve qesharakë si shtet, duke e përdorur zyrën e Presidentit si llogore lufte politike, duke sharë ambasadorët siç bënte Haxhi Qamili e duke i folur vetes në vetë të tretë si Luigji XIV! Boll se s’të ka askush asnjë borxh, jo më Shqipëria!
