Kryeministri Edi Rama ka reaguar pas akuzave të bëra nga kreu i PD-së, Lulzim Basha. Kryedemokrati është shprehur se nuk do ta votojë marrëveshjen për Reformën Zgjedhore.
Rama u është drejtuar Bashës dhe të gjithë opozitarëve, që në daljet e tyre publike kanë akuzuar për prishjen e marrëveshjes së 5 qershorit, duke i thënë se ajo marrëveshje u bë për ta.
Postimi i Ramës në Twitter:
Një këshillë miqësore për Lulzim Bashën e kolegët opozitarë jashtë Kuvendit: Lërini sharjet e kërcënimet ju lutem e mos thoni u prish marrëveshja, se ajo marrëveshje u bë me ju e për ju, jo për ne! Ne s’donim e s’duam administratë zgjedhore partiake, prandaj mos na provokoni se s’ua kemi borxh as ne, as populli jo e jo, pasi morët gjithçka deshët!
Peng Kuvendin e zgjedhësit, të cilëve do t’u japim mundësinë të votojnë për deputetin e jo vetëm për partinë, nuk i merrni dot! Po mos na nxisni kundër asaj marrëveshjeje që e bëmë për ju po na lini ta votojmë…
