“Miqtë e mi, mos e bëni këtë gabim” Kreu i OBSH nuk i mban dot lotët (VIDEO)

Në deklaratë shumë e fortë vjen së fundmi nga kreu i Organizatës Botërore të Shëndetësisë (OBSH), Tedros Adhanom Ghebreyesus.

Ai ka bërë thirrje për një bashkim ndërkombëtar për të luftuar pandeminë shkatërruese të botës, në vazhdim të synimit të paralajmëruar të presidentit të SHBA Donald Trump për të lënë organizatën.

Me lot në sy, sipas Washington Post, Tedros u shpreh se armiku i vërtetë nuk është vetë virusi por “mungesa e udhëheqjes dhe solidaritetit në nivel global dhe në nivel kombëtar”.

“Sa e vështirë është për njerëzit që të bashkohen për të luftuar një armik të përbashkët që po vret njerëz pa dallim?”, pyeti ai në një konferencë në Gjenevë. “A nuk mund ta kuptojmë se ndarjet ose çarjet midis nesh në të vërtetë janë në dobi të virusit?”.

Tedros tha se në pjesën më të madhe të botës, “virusi nuk është nën kontroll; po përkeqësohet”.

Ai theksoi se sistemet shëndetësore të disa prej vendeve më të pasura në botë janë përmirësuar, ndërsa disa kombe me mjete më modeste kanë pasur sukses në ngadalësimin e përhapjes së virusit.

“Kjo pandemi një herë në një shekull na ka dhënë një mësim kritik: Kur bëhet fjalë për shëndetin, fatet tona janë gërshetuar”, tha ai.

Të mërkurën, administrata Trump filloi procesin e tërheqjes së Shteteve të Bashkuara – donatori më i madh i organizatës – nga OBSH.Masa është vendosur të hyjë në fuqi brenda një viti.