Meta nuk u shkarkua/ Reagon Spaho: U provua që Presidenti ka respektuar Kushtetutën

Nënkryetari i PD-së, Edmond Spaho ka reaguar pasi presidenti Ilir Meta nuk u shkarkua nga detyra.

Sipas Spahos, mori fund maskarada anti-kushtetuese e Edi Ramës kundër Presidentit të Republikës.

Ndër të tjera, nënkryetari i Partisë Demokratike thotë se u provua botërisht se Meta ka respektuar Kushtetutën pikë ër pikë, pasi Venecia i vuri vulën drejtësisë dhe korrektësisë kushtetuese të çdo veprimi të Presidentit.

“Sot mori fund maskarada antikushtetuese e Edi Ramës kundër Presidentit të Republikës dhe akteve të tij të drejta për të mbrojtur zgjedhjet demokratike dhe për të respektuar të drejtën e qytetarëve për të zgjedhur. U provua botërisht që Presidenti Ilir Meta ka respektuar Kushtetutën pikë për pikë, pasi Venecia i vuri vulën drejtësisë dhe korrektësisê kushtetuese të çdo veprimi të Presidentit. Votimet moniste antikushtuese të 30 qershorit vitin e kaluar provuan gjithashtu se Edi Rama është një pakicë. 85% e shqiptarëve e refuzuan qeverisjen e tij. Kjo maxhorancë refuzuese mezi po pret të vulosë me votë rotacionin politik dhe ndryshimin për të cilin vendi ka kaq shumë nevojë”, shkruan Spaho në postimin e tij.