Pas një ndërprerje disa mujore, rinis puna për komisionin parlamentar që po heton presidentin Ilir Meta për shkelje të Kushtetutës.
Mbledhja është caktuar për në orën 14:00 dhe do të përqëndrohet te opinioni i Komisionit të Venecias mbi emërimet e vitit të shkuar të gjyqtarëve të Gjykatës Kushtetuese, që vijon të jetë jashtë funksionit.
Ky opinion, që e kërkoi institucioni i Kuvendit, i ka dhënë të drejtë Kreut të Shttit në përzgjedhjen e anëtarëve të Gjykatës Kushtetuese, dhe pezullimin e betimit të Arta Vorpsit dhe zgjedhjen e Marisa Xhaferllari, edhe pse nuk kishte renditjen më të mirë nga KED.
Në këto kushte, të një vlerësimi të tillë nga Komisioni i Venecias, mbetet të shikohet vendimi i maxhorancës, që në fakt ka dhënë sinjale tërheqjeje nga qëllimi i saj për të nxjerr Metën nga Presidenca përpara datës 24 korrik 2022.
Komisioni hetimor ka afat deri më datën 31 të këtij muaji për të dhënë vendimin për Presidentin Meta, që u vu nën hetim nga maxhoranca fillimisht për zhdekretimin e zgjedhjeve të 30 qershorit.
