Mes Berishës, Metës dhe Bashës? Rama tregon se kë preferon për rival

Kryeministri Edi Rama foli në emisionin Pa Protokoll se për cilën arsye e cilëson presidentin Ilir Meta pjesë të opozitës jashtëparlamentare.

“Kur presidenti fton opozitën në zyrë dhe pastaj lëshon klithma dhe kushtrime për përmbysje të regjimit, nuk e di cfarë mund të quhet përveç se drejtues i opozitës. Kur fton opozitën dhe pastaj bashkë me opozitën bashkë bëjnë thirrje për përmbysje të regjimit, thashë kur organizon shtabin e luftës kundër qeverisë në presidencë me opozitën dhe kur del para popullit bashkë me opozitën dhe thëthërret popullin në miting“, tha ai.

Kryeministri iu përgjigje edhe pyetjes së kë do të preferonte si kundërshtar mes Bashës, Metës apo Berishës dhe u përgjigj se nuk i ka problem, pasi me problemet reale është lufta më e egër.

“Nuk i zgjedh unë rivalët dhe nuk kam unë problem kundërshtarët në kuptimin e personit përballë, unë problem, kam problemet reale, me të cilat lufta është më e egër dhe gjatë, gjërat që duhen zgjidhur për njerëzit” tha ai.