“Merrni masat urgjentisht” Propozimi i Bashës për qeverinë: Vaksinat e gripit falas në vjeshtë

Kryetari i Partisë Demokratike Lulzim Basha ka dalë me një propozim të ri për qeverinë.

Në situatën kaotike të krijuar nga pandemia, ai bën thirrje që të merren masat për të siguruar vaksinën e gripit falas për të gjithë popullsinë në vjeshtë.

Sipas kreut të PD kjo masë do të mbronte shqiptarët nga influence e stinës dhe komplikacionet e saj.

STATUSI NGA LULZIM BASHA

Me një situatë pandemie që fatkeqësisht rëndohet përditë, ne duhet të marrim të gjitha masat e duhura për të lehtësuar sa më shumë sistemin shëndetësor dhe mjekët dhe infermierët që janë përditë në vijën e parë të betejës me virusin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Përveç zbatimit të masave të distancimit social, mbajtes së maskës dhe higjenës si dhe rritjes së domosdoshme të kapaciteteve të testimit, qeveria duhet te marrë urgjentisht masat dhe të sigurojë vaksinën e gripit falas për të gjithë popullsinë në vjeshtë. Kjo do të mbronte shqiptarët nga influenca e stinës dhe komplikacionet e saj, dhe do të ndihmonte sistemin tonë shëndetësor për ta patur atë të gjithin në dispozicion dhe të përgatitur për ta përballuar pandeminë covid-19.

Secili prej nesh duhet të bëjë detyrën për të mbrojtur veten dhe familjen e tij. Ndërsa qeveria duhet të bëjë gjithcka ka në dorë për të mbrojtur njerëzit në këto kohë të vështira! Vaksinimi kundër gripit falas për të gjithë këtë vjeshtë, është një masë shumë e rëndësishme për shëndetin e shqiptarëve!