“Me muzikë mbaj familjen” Thirrja e Anxhela Peristerit për qeverinë: Ngelëm pa punë, gjeni një zgjidhje

Pas masës së marrë nga qeveria ku nuk do të lejohet hapja e klubeve të natës, lounge bareve dhe muzikës pas orës 20.00, ka ardhur dhe reagimi i shumë artistëve.

Njëra prej tyre është dhe këngëtarja e njohur Anxhela Peristeri.

Kjo e fundit i ka bërë thirrje qeverisë të gjejë një zgjidhje, pasi me të ardhurat nga muzika mban veten dhe familjen.

“E kam profesion muzikën dhe bazohem tek të ardhurat që më sjell ajo, për veten dhe për familjen. Jam e para që kam mbështetur karantinën dhe 2 muaj nuk kam dalë fare nga shtëpia gjë që më shoqëroi me kriza ankthi dhe që tani e kujtoj si një periudhë shumë të errët. Do doja që kjo periudhë të më fshihej komplet.

Duhet gjetur një zgjidhje për ne dhe për të tjerët që kanë mbetur pa punë. Isha në Greqi pasi kam pasaportë greke dhe mund të lëviz. Aty ishte një jetë normale. Nuk kishte raste sa këtu. Bëra dy investime dhe do doja që të punoja këto 2-3 muaj. Mendoj se do gjendet një zgjidhje pasi nuk mund të mbetemi në këto kushte”,- ka thënë këngëtarja në programin “Wake up”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern