Ministrja e Shëndetësisë Ogerta Manastirliu ka deklaruar së fundmi se vendimi i BE për të mos hapur kufijtë me Shqipërinë është bazuar vetëm në situatën epidemiologjike dy javët e fundit, pra kur është rritur numri i të prekurve.
E ftuar në programin “Java” në RTSH Manastirliu deklaroi se BE pas dy javësh do të bëjë një tjetër vlerësim sa i përket kufijve.
“Është një vendim që do të vlerësohet sërish dy jave më pas. Vlerësimi që është bërë, është një kriter puro epidemiologjik. Kriteri që Europa ka vendosur është numri i rasteve të prekura për 100 mijë banorë në dy javët e fundit”, tha Manastirliu.
Manastirliu shtoi se rritja e rasteve erdhi pasi në momentin që erdhi hapja qytetarët u relaksuan dhe neglizhuan disi situatën.
