Mbyllet gara për rektorin në Universitetin e Tiranës, kush janë 3 kandidatët që synojnë postin

Ditën e sotme mbyllen aplikimet për postin e rektorit të Universitetit të Tiranës.

Teksa pak orë na ndajnë nga përfundimi i afatit, mësohet se deri më tani kanë aplikuar tre kandidatë që synojnë të marrin këtë detyrë.

Konkretisht për postin e rektorit sipas kryetares së KIZ, Majlinda Keta kanë kandiduar Artan Hoxha nga Fakulteti i Drejtësisë, Mimoza Hafizi nga Shkencat e Natyrës dhe Kozeta Sevrani nga Fakulteti Ekonomik.

Deri më sot kanë aplikuar gjithashtu 70 persona për tu bërë anëtarë senati në Universitetin e Tiranës.

Aplikantët mund të paraqesin kandidaturën e tyre deri në orën 16:00 të ditës së sotme, ndërsa emri i fituesit do të zbulohet më 30 korrik.