Manastirliu jep porosinë për qytetarët: Përhapja e pandemisë mund të frenohet vetëm kështu

Ministrja e Shëndetësisë Ogerta Manastirliu nuk i ndal mesazhet që prej fillimit të pandemisë në Shqipëri në muajin mars.

Edhe mëngjesin e sotëm ajo ka zgjedhur të bëjë të njëjtën gjë, duke dhënë një porosi për të gjithë.

Ajo kërkon që të respektohen masat dhe dhe rregullat që këshillon Komiteti Teknik, me qëllim që të parandalojmë përhapjen e mëtejshme të koronavirusit.

Gjithashtu ministrja thotë se është koha që të mbajmë përgjegjësi individuale dhe të përdorim maskën.

“Përhapja e coronavirusit të rrezikshëm mund të frenohet vetëm me kujdes çdo ditë, duke respektuar disa rregulla të thjeshta. Është koha për përgjegjësi individuale, që jeta të triumfojë! Përdore maskën”, thekson Manastirliu në rrjetet sociale.