LIGJET E BIZNESIT
Një ditë pas arrestimit të tij, Gjykata e Apelit ka caktuar sot masën e sigurisë “detyrim paraqitje” për ish-kryetarin e Bashkisë Vorë Agim Kajmaku.
Tashmë ai ndodhet në liri të plotë dhe mësohet se prokurorja e cështjes Arta Marku ka rol në këtë vendim.
Ajo ka kërkuar zbutjen e masës së sigurisë nga arrest me burg në detyrim paraqitje për shkak të gjendjes shëndetësore. Kajmaku vuan nga disa sëmundje dhe kjo me sa duket ka ndikuar në zbutjen e masës së sigurisë.
Kujtojmë që fillimisht ishin mjekët e spitalit në tiranë, të cilët bënë të mundur dorëzimin e Kajmakut në polici, pasi ky i fundit u paraqit në spital në gjendje të rëndë shëndetësore për shkak të diabetit.
Kujtojmë që mbi Kajmakun rëndon akuza për falsifikim i vulave dhe formularëve”, “falsifikim i dokumentave zyrtare” dhe “kryerja e funksionit pas dhënies së tij”.
Ai ishte shpallur në kërkim që në nëntor të vitit të kaluar, pasi u zbulua se kishte gënjyer në formularin e dekriminalizimit.
Ish-kryebashkiaku socialist nuk deklaroi dënimin e tij në Greqi kur kandidoi në zgjedhjet vendore të qershorit 2019.
