LIGJET E BIZNESIT
Ambasadorja e SHBA në vendin tonë Yuri Kim, ka bërë sot një lëvizje të fortë.
Vetëm pak orë përpara se të mblidhet Këshilli Politik për të diskutuar ndryshimet Kushtetuese për Reformën Zgjedhore, Kim ka shkuar në zyrën e presidentit Ilir Meta.
Jashtë ambienteve ajo është pritur nga zyrtarët e Presidencës.
Ky takim vjen në kulmin e bisedimeve mazhorancë-opozitë përsa i përket ndryshimeve në Kushtetutë, për hapjen e listave dhe ndalimin e koalicioneve.
Kujtojmë se Ilir Meta ka qenë skeptik dhe ka paralajmëruar se nëse këto ndryshime do të miratohen, ai nuk do ta njohë kryeministrin që do të dalë nga zgjedhjet e 2021.
Kujtojmë se ambasadorja Kim zhvilloi dhe një takim dje me kryeministrin Edi Rama, ku ka biseduar për Reformën Zgjedhore dhe marrëveshjen e 5 qershorit.
Pas takimit, Rama firmosi një marrëveshje me opozitën e re në parlament.
Në të u garantua votimi më 23 korrik në parlament i marrëveshjes së 5 qershorit.
