Ministria e Shëndetësisë së Bullgarisë njofton se nga dita e nesërme turistët nga Serbia, Maqedonia e Veriut, Shqipëria, Kosova, Bosnja, Mali i Zi, Izraeli dhe Kuvajti mund ta vizitojnë vendin, vetëm nëse kanë një test negative të virusit.
Ndër të tjera bëhet me dije se testet duhet të jenë kryer 72 orët e fundit. Turistët nga Ukraina do të lejohen me të njejtat kushte, thuhet në deklaratën e ministrisë.
Bullgaria ka nevojë për turistë që vizitojnë Detin e Zi, pasi vizitat nga të huajt janë tkurrur shumë që nga përhapja e pandemisë.