“Kujdes” Deputeti gjerman paralajmëron Ramën: JO ndryshimeve në Kushtetutë pa opozitën

Një paralajmërim shumë i fortë vjen së fundmi nga Bundestagu gjerman.

Bëhet fjalë për Christian Schmidt, raportuesi për Shqipërinë në Grupin Parlamentar CDU/CSU, i cili ka dhënë një mesazh për kryeministrin Edi Rama.

Ai i bën thirrje që të mos kryejë veprime të njëanshme me ndryshimin e Kushtetutës dhe heqjen e së drejtës për koalicione parazgjedhore sipas vullntetit të partive.

Schmidt i referohet lajmit të marrëveshjes mes palëve politike bazuar në dakordësine e 5 qershorit dhe e cilëson si një sukses të madh që forcoi demokracine në Shqipëri.

“Partia Socialiste po tenton ndryshime jashtë marrëveshjes: heqjen nga Kushtetuta të së drejtës për koalicione parazgjedhore. Për të favorizuar vetveten?”, thekson raporteri i CDU/CSU për Shqipërinë në Bundestagun gjerman.

“Me shqetësim të madh po shoh se Partia Socialiste po tenton ndryshime të tjera jashtë marrëveshjes: konkretisht po tenton heqjen nga Kushtetuta të së drejtës për koalicione parazgjedhore. Për të favorizuar vetveten?

Bëni kujdes! Ndryshime të tjera bëhen vetëm, nëse partitë e rëndësishme brenda dhe jashtë parlamentit bien dakord për to.

Jam i bindur se kryeministri Rama, i cili është edhe kryetar i radhës së OSBE-së, do ta mbrojë frymën e marrëveshjes së 5 qershorit mes të gjitha partive. Besimi reciprok është i domosdoshëm!”, shkruan raporteri i CDU/CSU për Shqipërinë në Bundestag.