LIGJET E BIZNESIT
Pandemia nuk po kursen as politikanët në Shqipëri.
Pas testit të kryer, kryetari i Bashkisë së Tiranës Erion Veliaj ka rezultuar pozitiv.
Lajmin e ka dhënë ai vetë nëpërmjet rrjeteve sociale.
Veliaj bën me dije se është në gjendje të mirë shëndetsore dhe u bën thirrje qytetarëve të mbajnë maskë dhe të lajnë duart, pasi askush nuk është imun ndaj virusit.
“Miq, pas testit më njoftuan se dola pozitiv nga covid-19. Jam në gjendje të mirë shëndetësore, ashtu si edhe familja ime. Por, nga sot do të vazhdoj të punoj me të njëjtin përkushtim për Tiranën nga shtëpia. Askush prej nesh nuk është imun ndaj këtij virusi, ndaj JU LUTEM mos harroni të lani duart sa më shpesh dhe mbani maskë për të mbrojtur sa më shumë veten dhe familjarët tuaj! Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj! Do shihemi sërish!”, bën me dije Erion Veliaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
