Ka përfunduar mbledhja e Këshillit Politik në Pallatin e Kongreseve për ndryshimet kushtetuese të propozuara nga opozita në Kuvend dhe të mbështetura fort nga kryeministri Edi Rama
Kryeministri Edi Rama është shprehur se ishte një takim i gjatë e interesant dhe se do të vazhdojmë ende diskutimet.
“Diskutim i ishte i gjatë, interesant. Nuk u tha ndonjë gjë e re, ne kemi qëndrim të qartë. Ka një realitet politik i cili imponon një qasje që për ne është e diktuar si forca më e madhe, dhe kemi detyrimin të krijojmë një proces dhe të arrijmë një rezultat ku secila nga palët të ketë pjesën e vet. Në këtë aspekt është e rëndësishme të vazhdojmë të diskutojmë. Ne donim që të vazhdonim diskutimin që nesër por opozita jashtë parlamentare kërkoi kohë, por kemi një kalendar deri në fund të muajit korrik. Diskutimi ishte pozitiv. Hapja e listave nuk është variant, është angazhim”, u shpreh kryeministri.