Deputetja e PDK në Kosovë Eliza Hoxha e cila është njëkohësisht dhe një këngëtare mjaft e njohur, është shfaqur dje në disa fotografi teksa ka dalë në rrugë, edhe pse kishte rezultuar e infektuar.
Menjëherë pas kësaj ka reaguar dhe kryeinfermierja e Klinikës së Pulmologjisë në QKUK Arta Sejdiu, duke bërë thirrje që deputetja të dënohej.
Por Eliza Hoxha nuk ka qëndruar indiferente ndaj këtij mesazhi duke thënë se ishte e detyruar të dilte për shkak të një kontrolli mjekësor.
Ajo ka publikuar edhe kartelën përkatëse duke iu drejtuar kryeinfermieres Sejdiu që të kërkonte falje publike.
REAGIMI I PLOTE I ELIZA HOXHES
SINQERITETI, COVIDI DHE GJYQI PUBLIK
Artë e nderuar, fakti që unë e kam bërë publike flet për përgjegjësinë time karshi të tjerëve. Duke qenë e sinqertë i kuptoj edhe pasojat e gjykimet që mund të vijnë por besoj se edhe ju e edhe të gjithë e dijnë që për të marr një shërbim jomobil cfarë është rentgeni duhet të dal jashtë shtëpisë dhe këtë e kam bërë me maskë, dorëza dhe pa askend në afërsi…
Unë po ta bashkangjes raportin këtu për ta plotësuar kërkesën tënde komplet joetike ndaj një pacienti që kartelën mjekësore dëshiron ti me e qitë në publik.
Me krejt këtë më e pakta që mund të bësh është të kërkosh falje publike.
