“Kam kërkuar takim me Manastirliun” Meta i prerë në konferencë: Strategjia duhet të ndryshojë

Ditën e sotme presidenti Ilir Meta ka dalë në konferencën e përjavshme që zhvillon me mediat.

Ai ka ripërsëritur nevojën për një strategji të re, për përballimin e pasojave të pandemisë.

Kreu i Shtetit ka bërë apel për rritjen e masave mbrojtëse për bluzat e bardhe dhe bashkëpunim mes institucioneve.

Ai bëri me dije se ka kërkuar një takim zyrtar me Ministres e Shëndetësisë Ogerta Manastirliu. “Kam kërkuar takim zyrtar me ministren e Shëndetësisë. Sa më shpejt ta realizojmë këtë takim, në mënyrë që të gjykojmë se cila do jetë mbështetja që mund të japë Presidenti në këtë drejtim”, tha Meta.

Më tej, ai bëri apel për bizneset e qytetarët që të respektojnë masat e autoriteteve të vendosura me qëllim ndalimin e përhapjes së COVID-19. “Çdo qytetar duhet të sillet në mënyrë të shëndetshme. Duket që ka një shkujdesje e cila natyrisht që ka sjellë një përkeqësim të treguesve”, tha Presidenti.

I pyetur nëse do ketë sërish një mbledhje të Këshillit të Sigurisë, Meta u përgjigj se: “në çdo moment që qeveria e gjykon të nevojshme, institucioni (Presidenca) do jetë i gatshëm”.